Poesie in Dialetto Calabrese

Mi cuntava…ca ‘nciu cuntau

15443052_1056735251115423_4723430422537820962_o© 2017 – Photo by Mariella Matera

Mi cuntava cummari Catina
ca u mundu no’ si capisci cchiu
ca puru u gaju alla matina
u chicchirì non lu faci cchiu
E si ‘a gajina non è pizzicata
l’ova frischi cchiù non ci su
ca puru u gaju azau la crista
e vaci cantandu cuccurucù

Mi cuntava cummari ‘Ntonetta
ca la carretta non vaci cchiu
e puru u ciucciu, cu frusta e scuppetta
alla chianata non chiana cchiu
“ca m’incriscivi mu servu e u lavuru
e pe’ ‘stu mulu pani non c’è
io mi fermu comu a carretta
cuccurucù checchereché”

Mi cuntava Donna Tina
ca allu mulinu farina non c’è
ca puru u ranu sutta a cullina
non crisci mancu si u voli u Rre
lu mulinaru ormai è ‘mpacciutu
e mo’ u gaju faci coccodè
a gajina ragghjia fina
e u chicchirichì u faci lu Rre

Mi cuntava Donna Mimma
ca ‘nciu cuntau cummari Rosina
ca u gaju facìa l’ova
e la gajina facìa farina
lu mulinaru facìa a carretta
e u ciucciu u facìa di jornu u Rre
E si non sbagliu mi dissi Cuncetta
ca u cicciu facìa chiri-coccodé

 

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...