Poesie in Dialetto Calabrese

Mi cumpessu

“Patri vinnu u mi cumpessu
mu sugnu iu crocifissu
mu sugnu iu u ‘nchiuvatu
ca d’ogni cumandu fici piccatu.”

A prima cosa i chi mi pentu
è pe’ lu primu cumandamentu
d’atri falsi ddi mi fici alluciari
chi m’accattaru cu trenta dinari

Lu nomi i Ddiu jestimai
quando chiju chi io volìa non mi dezzi mai.
Quando lu chiamai e non rispundiu
fu chiju lu jornu chi jestimavi a Ddiu

Li festi santi i votai a festi i chiazza
e non ci fu versu mu guardu li So’ vrazza
I Jorna i Ddiu a mangia mangia li votai
E jorni i festa cunzacrati non ‘ndi fici mai

E quando mai a sta mamma mia fici onuri?
Ca ‘a lassai tra Barabba e Giuda u tradituri
Sta terra mia senza speranza a lassai
ma chi onuri, chi figghja sugnu mai?

E mi macculai puru di stu piccatu
quando allu cori i sta Calabria haju sparatu
quandu non cridivi cchiju ca la potìa ancora amari
fu lu corpu cchiu grossu chi ‘nci potia sparari

E d’attu impuru m’allordai
quando comu na mala fimmana a trattai
dui notti i lettu pemmu ori ricogghju
e la lassai ciangendu supra a nu dinocchju

A sta terra nenti ci lassai
‘nci pigghjai figghjli, anima, cori e lassai guai
‘nc’arrobai a speranza, a dignità e a fortuna tutta
‘nci pigghjau tuttu e la lassi distrutta

E farsi paroli ndi dissi centu miliuni
‘nci dissi ca l’amai e la lassavi sula chi launi
‘nc’havia dittu: è pe’ sempri st’amuri
e m’indi jivi dopu sulu du uri

Amai ‘n’atra terra quandu stava cu dija
nu futuru cchiu culuratu l’atra m’offria
fu tentatu mu vaju ‘nta na terra chi non m’apparteni
mu ‘nci dugnu paci alli mei peni.

“Patri vinnu u mi cumpessu
mu sugnu iu crocifissu
mu sugnu iu u ‘perdunatu
ca d’ogni cumandu fici piccatu.”

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...