Poesie d'Amore & Passione, Poesie d'Arte & Creatività, Poesie d'Essere & Infinito, Poesie di Vita, Poesie in Dialetto Calabrese

Lu fiat di Maria

Mariapoli 2010

A vui tutti, oi genti, di munti e di mari
stu cantu cuntenti, cui Maria volimu cantari.
Cu Maria, Matri amata, i lu cielu putenti rigina,
i dudici stelli ‘ncuranata, suli splendenti la matina.
Nu stornellu tarantellatu, cu la rima chi gira e vota
Amici mei, lu ritmu è ‘ntonatu: prestu, faciti na randi rota!
Attaccati Maestru!

Alla genti i stu paisi, ‘nci parramu cu li surrisi
cu la matri cchiu biata, cu la vergini mmaculata…
Cu l’esmpiu di Maria, pe’ lu cielu v’indicu a via
Cu l’esempiu i l’amuri veru vi mustramu lu sinteru
E’ lu “fiat” nnamuratu, chi Maria pe’ nui ha lassatu
La prima tappa i stu caminu chi nd’ammustra lu divinu

E si poi, cu lu silenziu, amamu lu “parrari”
oi, quanti belli cosi, lu Signuri pò cuntari
“Su la serva i lu Signuri”, Maria fu pronta a diri
ma la voluntà di Diu è nu misteru da scupriri
Sulu l’Eternu Patri, Maria ha volutu amari
lu Patri chi pè nui carni d’omu si vozzi fari

E cu lu “fiat” di l’amuri vi lassamu sta canzuni
Cu lu  “fiat” cchiu sinceru vu dicimu pè daveru
Ca la “famosa strata” , pè lu randi  Cielu Santu
E’ mu amati lu Signuri e u v’indi fati vantu;
Mu siti nu tutt’unu cu l’amuri mmenzu a vui
E penzandu ca u Signuri ‘ncruci moriu pe’ nui

Pemmu ndi faci tutti i l’amuri soru e frati
pe’ amuri a ugnunu i nui ndi dunau la so matri
E cu Maria e Cristu lu senteru vi svelamu
m’aviti u vi stringiti, manu cu la manu:
è mu v’amati tutti…l’ uni e l’atri
comu ‘ndamau u Signuri e Maria la so matri!

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...