Poesie d'Amore & Passione, Poesie in Dialetto Calabrese

Patruna du mundu

E mo acquetati pistoli e cannuna
si rivigghjiau du mundu ‘a patruna
patruna i stu mundu disonoratu
chi sulu pe’ amuri Diu l’ha criatu.

Di nigaru ‘a patruna è vestuta,
nu “scialle” russu e i sudura a curuna
cumanda ormai pe’ mari e terra
s’inchina lu mundu alla Tarantella.

A Tarantella meridionali
è arma di guerra chi non faci mali
A tarantella è arma di paci
a ritmu ‘i tammorra l’amuri faci.

La caminata soi, ohi,s’igghj’è fina,
ca puru lu cori mi batti in terzina
cu lla battenti li pedi e li mani
ONURI RANDI NC’AVIMU A PORTARI

Patruna possenti, o randi Regina
chi poi mu fai lu scuru a matina
acqueta ‘sta guerra ohi pe’ piaciri
lu ritmu toi sulu havi u potiri!

Ha’ lu potiri u ‘ndi fai na cosa sula
si nta li facci nostri grunda sudura
si li pedi nostri su pronti a ballari
la tarantella meridionali.

E mo m’inchinu a vui, randi Patruna
sugnu na figghjia da vostra curuna,
vi dugnu ‘a vita pe amuri i ‘sta guerra:
FINO ALLA MORTI, FEDELTA’  ‘A TARANTELLA

 

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...